Business Editor's Picks

യെസ് ബാങ്ക് നിക്ഷേപകര്‍ പേടിക്കണ്ട; 49% ഓഹരികള്‍ എസ്‍ബിഐ വാങ്ങും

യെസ് ഇന്ത്യ ബാങ്കിന്‍റെ 49 ശതമാനം ഓഹരികള്‍ എസ്ബിഐ വാങ്ങുമെന്ന് റിസര്‍വ് ബാങ്ക്. നിര്‍ദേശം സ്റ്റേറ്റ് ബാങ്ക് ഓഫ് ഇന്ത്യ അംഗീകരിച്ചു. തിങ്കളാഴ്‍ച്ച തീരുമാനം ഉണ്ടാകും. ഉപയോക്താക്കള്‍ക്ക് ഉറപ്പുനല്‍കി എസ്‍ബിഐ

ന്യൂ‍ഡല്‍ഹി: സാമ്പത്തിക തകര്‍ച്ചയിലായ യെസ് ബാങ്കിന്‍റെ (YES Bank) 49% ഓഹരികള്‍ സ്റ്റേറ്റ് ബാങ്ക് ഓഫ് ഇന്ത്യ വാങ്ങും. റിസര്‍വ് ബാങ്ക് ആണ് നിര്‍ദേശം നല്‍കിയത്. ഉപയോക്താക്കള്‍ക്കുള്ള സേവനങ്ങളുടെ നിരക്കുകളില്‍ മാറ്റങ്ങള്‍ ഉണ്ടാകില്ല.

ഭവനവായ്‍പ, വ്യക്തിഗത വായ്‍പ, കാര്‍ വായ്‍പ, ഉപയോക്താക്കളുടെ ക്രെഡിറ്റ് കാര്‍ഡ് സേവനം എന്നിവയില്‍ നിലവിലെ രീതികള്‍ തുടരും. വായ്‍പ നിരക്കുകളും മാറില്ല. തവണ വ്യവസ്ഥകളിലും ഇപ്പോഴത്തെ നിരക്കാണ് തുടരുക.

പുതിയ ഡയറക്ടർ ബോർഡിനെ നിയമിക്കും. ബോർഡ് ചുമതലയേറ്റുകഴിഞ്ഞാൽ റിസർവ് ബാങ്ക് നിയമിച്ച യെസ് ബാങ്ക് ലിമിറ്റഡിന്‍റെ അഡ്‍മിനിസ്ട്രേറ്ററുടെ ഓഫീസ് ഒഴിഞ്ഞുകൊടുക്കുമെന്നും റിസർവ് ബാങ്ക് അറിയിച്ചു.

സാമ്പത്തിക പ്രതിസന്ധി രൂക്ഷമായ സ്വകാര്യ മേഖല ബാങ്കായ യെസ് ബാങ്കിന് കേന്ദ്ര സര്‍ക്കാര്‍ മൊറോട്ടോറിയം ഏര്‍പ്പെടുത്തിയിരുന്നു. ഏപ്രില്‍ മൂന്നുവരെ ഉപയോക്താക്കള്‍ക്ക് പരമാവധി 50,000 രൂപ മാത്രമേ പിന്‍വലിക്കാന്‍ കഴിയൂ എന്നായിരുന്നു നിര്‍ദേശം. തുടര്‍ന്ന് ബാങ്കിന്‍റെ ഓഹരി കൂപ്പുകുത്തി. 82 ശതമാനത്തോളം ഓഹരി ഇടിഞ്ഞ് 5.6 പൈസയിലെത്തി.

ബാങ്ക് മൂലധനം സമാഹരിക്കാന്‍ ഒരു വര്‍ഷത്തിലധികമായി ശ്രമം നടത്തുന്നുണ്ടെങ്കിലും വിജയിച്ചില്ല. യെസ് ബാങ്കിന്‍റെ സാമ്പത്തിക സ്ഥിതി തുടര്‍ച്ചയായി മോശമാകുന്ന സാഹചര്യത്തിലാണ് റിസർവ് ബാങ്ക് നടപടി.

Related posts

യതീഷ്ചന്ദ്ര നിയമം ലംഘിച്ചതായി ഗവര്‍ണര്‍ക്കും വനംവകുപ്പിനും പരാതി

Web Desk

മലബാര്‍ ഗോള്‍ഡില്‍ പ്രത്യേക വിലക്കുറവ്

Farsana Jaleel

ദുർമന്ത്രവാദത്തിന്റെ ആസ്ഥാനം

Amal Murali