Business Editor's Picks

എന്താണ് ക്രിപ്റ്റോകറൻസി? ക്രിപ്റ്റോ കറൻസികൾ എങ്ങനെ വ്യാപാരം ചെയ്യും?

സങ്കീർണമായ സോഫ്റ്റ് വെയർ കോഡുകൾ കൊണ്ടാണ് ക്രിപ്റ്റോ കറൻസികളുടെ 
രൂപീകരണം. പ്രത്യേക എക്സ്ചേഞ്ചുകൾ മുഖേനയാണ് വ്യാപാരം. 
ബിറ്റ് കോയിനാണ് ഇവയിലെ താരം.

ക്രിപ്റ്റോകറൻസി ഉപയോഗിച്ചുള്ള ട്രേഡിങ്ങിന് റിസർവ് ബാങ്ക് ഏർപ്പെടുത്തിയ നിരോധനം സുപ്രീം കോടതി റദ്ദാക്കിയതോടെ ഈ രംഗത്ത് ട്രേഡിങ് സർവ്വ സാധാരണമാകാൻ വഴി ഒരുങ്ങുകയാണ്. ഈ അവസരത്തിൽ എന്താണ് ക്രിപ്റ്റോ കറൻസികൾ എന്നും ഇവയുടെ വ്യാപാരം എങ്ങനെ ആണെന്നും അറിയാം.

  1. എന്താണ് ക്രിപ്റ്റോ കറൻസി?
    ക്രിപ്റ്റോഗ്രഫിയിൽ അധിഷ്ഠിതമായി പ്രവർത്തിക്കുന്ന ഭൗതികരൂപമില്ലാത്ത വെർച്വൽ കറൻസികൾ അല്ലെങ്കിൽ നാണയങ്ങളാണ് ക്രിപ്റ്റോകറൻസി. അതി സങ്കീർണമായ പ്രൊഗ്രാമുകളിലൂടെയാണ് ക്രിപ്റ്റോ രൂപീകരിച്ചിരിക്കുന്നത്. സോഫ്റ്റ് വെയർ കോഡ് എന്നും ഇവയെ വിശേഷിപ്പിക്കാം. എൻക്രിപ്ഷൻ സാങ്കേതികവിദ്യ ഉപയോഗിക്കുന്നതിനാലാണ് ഇവയെ ‘ക്രിപ്റ്റോ കറൻസി’ എന്നു വിളിയ്ക്കുന്നത്. സതോഷി നകമോട്ടോ ആണ് 2008-ൽ ക്രിപ്റ്റോ കറൻസി കണ്ടു പിടിയ്ക്കുന്നത്
  2. ക്രിപ്റ്റോ കറൻസികൾ ഏതൊക്കെ ?
    ബിറ്റ് കോയിൻ, ഇതേറിയം, റിപ്പിൾ, ലൈറ്റ് കോയിൻ, സ്റ്റെല്ലർ തുടങ്ങിയവയാണ് പ്രധാന ക്രിപ്റ്റോ കറൻസികൾ. ഇതിൽ തന്നെ ഏറ്റവും മൂല്യമേറിയതും പ്രചാരമേറിയതും ബിറ്റ് കോയിനാണ്. ആദ്യത്തെ ക്രിപ്റ്റോ കറൻസിയും ഇതു തന്നെ. ഡോളറിനെതിരെ 1,0000 ഡോളറോളമാണ് ഇപ്പോൾ ബിറ്റ് കോയിൻറെ മൂല്യം. ബിറ്റ് കോയിൻ എക്സ്ചേഞ്ചുകൾ വഴിയാണ് ബിറ്റ് കോയിനുകളുടെ ട്രേഡിങ് നടക്കുന്നത്.
  3. ക്രിപ്റ്റോകറൻസികൾക്ക് നിരോധനം എന്തുകൊണ്ട്?
    ഡിജിറ്റൽ കറൻസികൾക്ക് പ്രചാരം ഏറുന്നത് ബാങ്കിങ് സംവിധാനം ദുർബലമാക്കിയേക്കാം എന്നതാണ് നിരോധനം കൊണ്ടുവരുന്നതിന് മുമ്പുണ്ടായിരുന്ന പ്രധാന വാദം. കള്ളപ്പണമൊഴുക്ക് കൂടും എന്നും സാമ്പത്തിക ക്രമക്കേടുകൾക്കും തട്ടിപ്പുകൾക്കും ഇടയുണ്ടെന്നതും ഇപ്പോഴും ക്രിപ്റ്റോ കറൻസികളിൽ നിന്ന് ഭരണകൂടങ്ങളെ അകറ്റി നിർത്തുന്നു. ഇതേ കാരണം തന്നെയാണ് ഇന്ത്യയിൽ കേന്ദ്ര ബാങ്കും ചൂണ്ടിക്കാട്ടിയിരുന്നത്?
  4. ക്രിപ്റ്റോ കറൻസികൾക്ക് മറ്റു രാജ്യങ്ങളിൽ നിരോധനമുണ്ടോ?
    ഉണ്ട്. ഇന്ത്യയ്ക്ക് പുറമേ ചൈന, നേപ്പാൾ, റഷ്യ, വിയറ്റ്നാം, ബൊളീവിയ തുടങ്ങിയ രാജ്യങ്ങളും ബിറ്റ്കോയിൻ ഉൾപ്പെടെയുള്ള വെർച്വൽ കറൻസികൾ നിരോധിച്ചിട്ടുണ്ട്.
  5. ഇന്ത്യയിൽ നിരോധനം ഏർപ്പെടുത്തിയത് എപ്പോൾ?
    2018 ഏപ്രിലിൽ ആണ് റിസർവ് ബാങ്ക് ക്രിപ്റ്റോ കറൻസികൾക്ക് നിയന്ത്രണം ഏർപ്പെടുത്തുന്നത്. സാമ്പത്തിക വളർച്ചയെ ബാധിക്കും ക്രമക്കേടുകൾക്കിടയുണ്ട് എന്ന് ചൂണ്ടിക്കാട്ടിയായിരുന്നു നിരോധനം

Related posts

പൂജാരക്ക് സെഞ്ചുറി ;ഇന്ത്യ മികച്ച നിലയിൽ

Web Desk

ശോഭനയുടെ മീ ടൂ (#Metoo): ഞെട്ടിത്തരിച്ച് സിനിമാലോകം

Amal Murali

ഒരിക്കല്‍ കണ്ട് മറക്കാം ഈ ബിഗ് ബ്രദറെ….

Farsana Jaleel