Editor's Picks International

ഇദ്രിസ്; ജീവിച്ചിരിക്കുന്നവരിൽ ഏറ്റവും സെക്സിയായ പുരുഷൻ

ഇദ്രിസ് എല്‍ബ ഇനി ലോകത്തിലെ ഏറ്റവും സെക്സിയായ പുരുഷൻ. ‘പീപ്പിള്‍സ് മാഗസി’നാണ് ഈ ബ്രിട്ടീഷ് ആക്ടറെ തങ്ങളുടെ മാഗസിൻ കവറും 33-ാം സെക്സിമാനുമായി തെരഞ്ഞെടുത്തത്. 46 വയസ്സുള്ള ഇദ്രിസ് ആയിരിക്കും അടുത്ത ജെയിംസ് ബോണ്ടെന്നുള്ള ഊഹാപോങ്ങള്‍ നിലനിൽക്കുന്നതിനിടയിലാണ് ഈ പ്രഖ്യാപനം എന്നതാണ് ഏറ്റവും ശ്രദ്ധേയം.

മാഗസിന്‍റെ പ്രഖ്യാപനത്തിൽ താൻ ഞെട്ടിപ്പോയെന്നായിരിന്നു ഇദ്രിസിന്‍റെ ആദ്യ പ്രതികരണം എന്ന് വിദേശ മാധ്യമങ്ങള്‍ റിപ്പോര്‍ട്ട് ചെയ്യുന്നു. ജിവിച്ചിരിക്കുന്നവരിൽ ഏറ്റവും സെക്സിയസ്റ്റ് പുരുഷനായി തന്നെ തെരഞ്ഞെടുക്കാൻ തനിക്കുവേണ്ടി വോട്ട് ചെയ്ത എല്ലാവര്‍ക്കും നന്ദിയര്‍പ്പിച്ചുകൊണ്ട് അദ്ദേഹം ട്വിറ്ററിൽ ട്വീറ്റ് പങ്കുവച്ചിട്ടുമുണ്ട്. ഇതാ സ്വീറ്റ് സൂപ്പര്‍സ്റ്റാര്‍ എന്നുപറഞ്ഞാണ് മാഗസിൻ ഇദ്രിസ് എൽബയെ അവതരിപ്പിച്ചിരിക്കുന്നത്.

 

എച്ച്.ബി.ഒയുടെ ദ വയര്‍ എന്ന പരമ്പരയിലൂടെയാണ് ഇദ്രിസ് ഏറെ ജനപ്രിയനായത്. പിന്നീട് തോര്‍, മണ്ടേല-ലോങ് വോക്ക് ടു ഫ്രീഡം തുടങ്ങിയ ചിത്രങ്ങളിലും അഭിനയിച്ചു. നെൽസൻ മണ്ടേലയായുള്ള പ്രകടനമാണ് ജദ്രിസിനെ ഏറെ ശ്രദ്ധേയനാക്കിയത്. നീളൻ രൂപമായിരുന്നതിനാലും കറുത്തവനായിരുന്നതിനാലും ചെറുപ്പത്തിൽ ഏറെ കളിയാക്കലുകള്‍ ലഭിച്ചിട്ടുണ്ടെന്നും ഇപ്പോള്‍ തന്നെ ഇത്തരത്തിൽ ആദരിക്കുമ്പോള്‍ ഏറെ നന്ദിയുണ്ടെന്നും അദ്ദേഹം മാധ്യമങ്ങള്‍ക്ക് നൽകിയ അഭിമുഖത്തിൽ വ്യക്തമാക്കി.

 

ബെല്ലി മാമ്ൻ, സോര്‍ട്ടഡ്, ബൊഫല്ലോ സോള്‍ജിയേഴ്സ്, വൺ ലവ്, ദ ഗോസ്പൽ, സംടൈംസ് ഇൻ ഏപ്രിൽ, ഡാഡീസ് ലിറ്റിൽ ഗേള്‍സ്, അമേരിക്കൻ ഗംങ്സ്റ്റർ, ദിസ് ക്രിസ്മസ്, ദ അൺബോൺ, ദ ലൂസേഴ്സ്, ഗോസ്റ്റ് റൈഡർ, പ്രൊമിത്യൂസ്, സെക്കന്‍റ് കമിങ്, ദ ഗൺമാൻ, അവഞ്ചേഴ്സ്, മോളീസ് ഗെയിം, ദ മൗണ്ടൻ ബിറ്റിവീൻ അസ്, ഫൈൻഡിംഗ് ഡോറി തുടങ്ങി നിരവധി ചിത്രങ്ങളിൽ അഭിനയിച്ചിട്ടുണ്ട്.

കൂടാതെ ദ ഗവര്‍ണര്‍, ഫാമിലി അഫയേഴ്സ്, ഗേള്‍ ഫ്രണ്ട്സ്, ലൂതർ, ദ ഓഫീസ്, ദ ബിഗ് സി, ജോണി സീറോ, ഗറില്ല, ഇൻ ദ ലോങ് റൺ തുടങ്ങിയ നിരവധി ടിവി പരമ്പരകളിലും അദ്ദേഹം അഭിനയിച്ചിട്ടുണ്ട്.

Related posts

പണമോ കാര്‍ഡോ ഒന്നും വേണ്ട… ഇനി മുഖം കാണിച്ചാല്‍ മതി

Farsana Jaleel

മദീന വഴി മടങ്ങുന്ന ഇന്ത്യന്‍ തീര്‍ത്ഥാടകരുടെ യാത്ര ആരംഭിച്ചു

Farsana Jaleel

ആര്‍എസ്എസുകാരന്‍ എങ്ങനെ ഡിജിപി സ്ഥാനത്തിരിക്കും: കോടിയേരി ബാലകൃഷ്ണന്‍

Web Desk

Leave a Comment