Crime Editor's Picks

കാര്യവട്ടത്ത് നിന്ന് കാണാതായ എംടെക് വിദ്യാർഥിയുടെ മൃതദേഹം കണ്ടെത്തി

കഴിഞ്ഞ തിങ്കളാഴ്ച കാണാതായ ശ്യാമിന് വേണ്ടിയുള്ള അന്വേഷണം പ്രത്യേക സംഘമാണ് നടത്തിയിരുന്നത്. മരണം എങ്ങനെ സംഭവിച്ചുവെന്ന് ഇപ്പോഴും വ്യക്തമായിട്ടില്ല

തിരുവനന്തപുരം: കാര്യവട്ടം ക്യാമ്പസിൽ നിന്ന് കാണാതായ എംടെക് വിദ്യാർഥിയുടെ മൃതദേഹം കണ്ടെത്തി. തിരുവനന്തപുരം കോളജ് ഓഫ് എൻജിനീയറിങ്ങിലെ വിദ്യാർഥി ശ്യാം പത്മനാഭന്റെ മൃതദേഹമാണ് ക്യാമ്പസിനുള്ളിലെ കട്ടിൽ നിന്ന് കണ്ടെടുത്തത്.

മൃതദേഹത്തിന് സമീപത്ത് നിന്ന് ശ്യാമിന്റെ ബാഗ് കണ്ടെടുത്തു. ബാഗിൽ ഐഡി കാർഡും പുസ്തകങ്ങളും മൊബൈൽ ഫോണും ഉണ്ടായിരുന്നു. ദിവസങ്ങളുടെ പഴക്കമുള്ള മൃതദേഹം പുഴുവരിച്ചു തുടങ്ങിയ നിലയിലായിരുന്നു. കഴിഞ്ഞ തിങ്കളാഴ്ചയാണ് ശ്യാമിനെ കാണാതായത്. ക്യാമ്പസിന്റെ പരിസരത്ത് നിന്ന് ദുർഗന്ധം ഉണ്ടായതിനെ തുടർന്ന് നടത്തിയ പരിശോധനയിലാണ് മൃതദേഹം കണ്ടെത്തിയത്.

ശ്യാമിന്റെ മൊബൈൽ ഫോൺ കേന്ദ്രീകരിച്ചുള്ള അന്വേഷണത്തിൽ കാര്യവട്ടം ക്യാമ്പസിന് സമീപത്തുള്ള ടവർ ലൊക്കേഷൻ കാണിച്ചിരുന്നു. ശ്യാമിന്റെ തിരോധാനം അന്വേഷിക്കാൻ പ്രത്യേക സംഘം രൂപീകരിച്ചിരുന്നു. ശ്യാം ക്ളാസിലെത്തിയതായി സിസിടിവി ദൃശ്യങ്ങളിലൂടെ വ്യക്തമായിരുന്നു. ശ്യാമിന്റെത് ആത്മഹത്യ ആണെന്നാണ് പ്രാഥമിക നിഗമനം. വടകര സ്വദേശിയായ ശ്യാം മാതാപിതാപിതാക്കളോടൊപ്പം പാങ്ങപ്പാറയിലായിരുന്നു താമസം. തിങ്കളാഴ്ച വൈകിട്ട് ലൈബ്രറിയിൽ പോകുന്നുവെന്ന് പറഞ്ഞാണ് ശ്യാം വീട്ടിൽ നിന്ന് ഇറങ്ങിയത്.

ശ്യാമിന്റെ മരണത്തെ കുറിച്ച് പോലീസ് അന്വേഷണം തുടരുകയാണ്. ശ്യാമിന്റെ മൃതദേഹം കണ്ടെത്തിയതിന് ഒരു കിലോമീറ്റർ അപ്പുറം വരെ പോലീസ് നായ എത്തി തെരച്ചിൽ നടത്തിയിരുന്നു. എന്നാൽ, അന്വേഷണത്തിൽ കാര്യമായ വിവരമൊന്നും ലഭിച്ചിരുന്നില്ല. നായ ക്യാമ്പസിനുള്ളിലെ ഹൈമവതി കുളത്തിനരികിൽ വന്ന് നിന്നെങ്കിലും ശ്യാം കുളത്തിലേക്ക് ഇറങ്ങിയതിനെ സൂചനകളും പൊലീസിന് ലഭിച്ചില്ല.

Related posts

ശരവണഭവൻ ഹോട്ടലുടമ രാജഗോപാലിന് ഹൃദയാഘാതം

Web Desk

‘ലാബ’ത്തിൽ കിടിലൻ ലുക്കിൽ വിജയ് സേതുപതി

Web Desk

മകം നക്ഷത്രക്കാരെ കുറിച്ച്‌ കൂടുതൽ അറിയാം

Amal Murali

Leave a Comment