Crime Editor's Picks Kerala

എസ്‍എഫ്‍ഐ നേതാക്കളുടെ പരീക്ഷ കൃത്രിമം സ്ഥിരീകരിച്ച് പിഎസ്‍സി

മുന്‍ എസ്‍എഫ്‍ഐ നേതാക്കള്‍ പരീക്ഷാത്തട്ടിപ്പ് നടത്തിയെന്ന് സ്ഥിരീകരണം

യൂണിവേഴ്‍സിറ്റി കോളേജിലെ വിദ്യാര്‍ഥിയെ കുത്തിപ്പരിക്കേല്‍പ്പിച്ച കേസിലെ പ്രതികളായ എസ്‍എഫ്‍ഐ പ്രവര്‍ത്തകര്‍ പിഎസ്‍സി പരീക്ഷയില്‍ കൃത്രിമം നടത്തിയതായി സ്ഥിരീകരിച്ച് പിഎസ്‍സി.

ശിവരഞ്ജിത്ത്, നസീം, പ്രണവ് എന്നിവരെ റാങ്ക് ലിസ്റ്റില്‍ നിന്ന് ഒഴിവാക്കും. ഇവര്‍ക്ക് എതിരെ അന്വേഷണം നടത്തും. ഇവരെ പിഎസ്‍സി പരീക്ഷ എഴുതുന്നതില്‍ നിന്ന് അയോഗ്യരാക്കി.

പോലീസ് കോണ്‍സ്റ്റബിള്‍ പരീക്ഷയിലാണ് മൂന്നുപേരും കൃത്രിമം കാണിച്ചതായി തെളിഞ്ഞത്. ഇക്കാര്യം പിഎസ്‍സി വിജിലന്‍സ്‍ അന്വേഷിച്ച് ഇടക്കാല റിപ്പോര്‍ട്ട് സമര്‍പ്പിച്ചതായി പിഎസ്‍എസി പ്രസ്‍താവനയില്‍ അറിയിച്ചു.

സാങ്കേതികവിദ്യയുടെ സഹായത്തോടെയാണ് ഇവര്‍ പരീക്ഷത്തട്ടിപ്പ് നടത്തിയതെന്ന് പിഎസ്‍സി സംശയിക്കുന്നത്. ഉത്തരങ്ങള്‍ ഇവര്‍ക്ക് സ്‍മാര്‍ട്ട്‍ഫോണിന് സമാനമായ ഉപകരണത്തിലൂടെ ലഭിച്ചു. മൂന്നു പരീക്ഷ കേന്ദ്രങ്ങളില്‍ ഇരുന്നാണ് ഇവര്‍ പരീക്ഷ എഴുതിയത്. ഇവരെ പുറത്ത് നിന്ന് ആളുകള്‍ സഹായിച്ചിട്ടുണ്ടെന്നാണ് പിഎസ്‍സി കരുതുന്നത്. പരീക്ഷയില്‍ കൃത്രിമം നടത്താന്‍ കൂട്ടു നിന്നവരെ കണ്ടെത്തി നിയമനടപടി സ്വീകരിക്കുമെന്നും പിഎസ്‍സി അറിയിച്ചു.

Related posts

സംഘര്‍ഷത്തിനൊടുവില്‍ പിറവം പള്ളി ജില്ലാ കളക്ടര്‍ ഏറ്റെടുത്തു: യാക്കോബായ ബിഷപ്പുമാര്‍ അറസ്റ്റ് വരിച്ചു

Farsana Jaleel

മാമാങ്കത്തിലെ സുന്ദരികൾ

Web Desk

സിസേറിയന്‍ വേണമെന്ന് ഡോക്ടര്‍, സുഖ പ്രസവം മതിയെന്ന് ഭര്‍ത്താവ്, 5 മണിക്കൂര്‍ വേദന കൊണ്ട് പിടഞ്ഞ ഭാര്യ, ഒടുവില്‍ സംഭവിച്ചത്….. യുവതിയുടെ കുറിപ്പ് വൈറലാകുന്നു

Farsana Jaleel

Leave a Comment