Movies News

സംവിധായകന്‍ ലെനിന്‍ രാജേന്ദ്രന്‍ അന്തരിച്ചു

പ്രശസ്ത സംവിധായകന്‍ ലെനിന്‍ രാജേന്ദ്രന്‍ അന്തരിച്ചു. ചെന്നൈയിലെ സ്വകാര്യ ആശുപത്രിയില്‍ കരള്‍ രോഗത്തെ തുടര്‍ന്ന് ചികിത്സയില്‍ കഴിയവെയായിരുന്നു അന്ത്യം. 67 വയസ്സായിരുന്നു.

1982ല്‍ വേനല്‍ എന്ന സൂപ്പര്‍ഹിറ്റ് ചിത്രത്തിലൂടെയാണ് അദ്ദേഹം സിനിമിയിലെത്തുന്നത്. ദൈവത്തിന്റെ വികൃതികള്‍, ചില്ല്, പ്രേംനസീറിനെ കാണാന്മാനില്ല, മീനമാസത്തിലെ സൂര്യന്‍, സ്വാതി തിരുനാള്‍, പുരാവൃത്തം, വചനം, കുലം, മഴ, അന്യര്‍, രാത്രിമഴ, മകരമഞ്ഞ്, ഇടവപ്പാതി എന്നിവയാണ് അദ്ദേഹം സംവിധാനം ചെയ്ത ചിത്രങ്ങള്‍. ദൈവത്തിന്റെ വികൃതികള്‍ എന്ന ചിത്രത്തിന് 1992ലെ സംസ്ഥാന ചലച്ചിത്ര പുരസ്‌കാരവും കുലം എന്ന ചിത്ത്രതിന് 1996ലെ സംസ്ഥാന പുരസ്‌കാരവും അദ്ദേഹം നേടിയിരുന്നു. ചലച്ചിത്ര വികസന കോര്‍പ്പറേഷന്‍ ചെയര്‍മാന്‍ കൂടിയായിരുന്നു അദ്ദേഹം.

തിരുവനന്തപുരം ഊരൂട്ടമ്പലത്താണ് ജനനം. തിരുവനന്തപുരം യൂണിവേഴ്്‌സിറ്റി കോളേജില്‍ പഠനവും. പഠനകാലത്ത് എസ്.എഫ്.ഐയുടെ സജീവ പ്രവര്‍ത്തകനായിരുന്നു.

ഡോ. രമണിയാണ് ഭാര്യ. ഡോ.പാര്‍വതിയും ഗൗതമനുമാണ് മക്കള്‍.

Related posts

അമ്മമാർക്കിനി ചൊല്ലാം “രാരോ രാരോ രാരോ”… മലയാളത്തിൽ വർഷങ്ങൾക്കു ശേഷം മാതൃ വാൽസല്യം തുളുമ്പുന്ന താരാട്ടുമായി മാമാങ്കം.

Web Desk

ഗെവാസ്‌കറുടെയും സെവാഗിന്റെയും റെക്കോര്‍ഡ് പട്ടികയില്‍ ഇടംപിടിച്ച് രോഹിത് ശര്‍മ്മ

Farsana Jaleel

ശബരിമലയെച്ചൊല്ലി ദേവസ്വം ബോര്‍ഡില്‍ തമ്മിലടി; കമ്മിഷണർക്കെതിരെ മന്ത്രിക്കു പരാതി.

Amal Murali

Leave a Comment