India

കുഴല്‍ക്കിണറില്‍ വീണ കുട്ടിക്കായി രക്ഷാശ്രമം; ഓക്‌സിജന്‍ നല്‍കാന്‍ ശ്രമം

തിരുച്ചിറപ്പള്ളി: തമിഴ്‌നാട്ടിലെ തിരുച്ചിറപ്പള്ളിയില്‍ കുഴല്‍ക്കിണറില്‍ വീണ കുട്ടിയെ രക്ഷിക്കാനുള്ള ശ്രമം തുടരുന്നു. ദേശീയ ദുരന്ത നിവാരണ സേനയും എസ്ഡിആര്‍എഫ് അംഗങ്ങളും സംഭവസ്ഥലത്തെത്തി രക്ഷാപ്രവര്‍ത്തനം തുടങ്ങി. കുട്ടിക്ക് ഓക്‌സിജന്‍ എത്തിക്കാനുള്ള ശ്രമമാണ് തുടരുന്നത്. ഉടന്‍ തന്നെ കുട്ടിയെ രക്ഷിക്കാന്‍ കഴിയുമെന്ന പ്രതീക്ഷയിലാണ് ഉദ്യോഗസ്ഥര്‍.

എന്നാല്‍ കുട്ടിയുടെ ആരോഗ്യസ്ഥിതിയെക്കുറിച്ച് ഉദ്യോഗസ്ഥര്‍ പ്രതികരിച്ചിട്ടില്ല. മെഡിക്കല്‍ സംഘം അടക്കം അത്യാധുനിക സൗകര്യങ്ങളുള്ള ആംബുലന്‍സും സ്ഥലത്ത് എത്തിച്ചിട്ടുണ്ട്. സമാന്തരമായി മറ്റൊരു കിണര്‍ ഉണ്ടാക്കാനുള്ള ശ്രമത്തിനിടെ പാറയില്‍ ഇളക്കം തട്ടിയതിനെ തുടര്‍ന്ന് കുട്ടി കൂടുതല്‍ താഴ്ചയിലേക്ക് വീണിരുന്നു. ഇപ്പോള്‍ 68 അടി താഴ്ച്ചയിലാണ് കുട്ടി കുടുങ്ങിക്കിടക്കുന്നത്.

നേരത്തെ 26 അടി താഴ്ചയിലായിരുന്നു കുട്ടി ഉണ്ടായിരുന്നത്. ഇതോടെ സമാന്തരമായി കിണറുണ്ടാക്കാനുള്ള ശ്രമം ഉപേക്ഷിച്ചു. രണ്ട് കൈകളും മുകളിലേക്ക് ഉയര്‍ത്തിയ നിലയില്‍ കുഴല്‍ക്കിണറില്‍ കുടുങ്ങിയ കുട്ടിയെ കൈകളിലൂടെ കുരുക്ക് ഇട്ട് മുകളിലേക്ക് ഉയര്‍ത്താനായിരുന്നു ആദ്യശ്രമം. പിന്നീട് ഈ ശ്രമം പ്രാവര്‍ത്തികമല്ലെന്ന് കണ്ട് ശ്രമം ഉപേക്ഷിക്കുകയായിരുന്നു. കുഴല്‍ക്കിണറിന് സമീപം കളിക്കുന്നതിനിടെയാണ് രണ്ടര വയസ്സുകാരന്‍ കിണറിലേക്ക് വീണത്.

Related posts

വീണ്ടും മീ ടൂ വില്‍ കുരുങ്ങി അക്ബര്‍, അക്ബറിനെതിരെ മീ ടൂ വെളിപ്പെടുത്തലുമായി അമേരിക്കന്‍ മാധ്യമ പ്രവര്‍ത്തക

Farsana Jaleel

മനുഷ്യനെ ബഹിരാകാശത്ത് എത്തിക്കുന്ന ഗഗന്‍യാന്‍ ദൗത്യം 2021ല്‍

Farsana Jaleel

രാഹുൽ ഗാന്ധി വിദേശത്തു നിന്നും തിരിച്ചെത്തി; കോൺഗ്രസ് അധ്യക്ഷനെ ഉടൻ പ്രഖ്യാപിച്ചേക്കും

Web Desk

Leave a Comment