India

നാടകീയതയ്ക്ക് ഒടുവില്‍ ചിദംബരം അറസ്റ്റില്‍

നാടകീയതയ്‌ക്കൊടുവില്‍ മുന്‍ കേന്ദ്രമന്ത്രി പി.ചിദംബരത്തെ സിബിഐ അറസ്റ്റ് ചെയ്തു. കടുത്ത പ്രതിഷേധങ്ങള്‍ക്കിടെ ഡല്‍ഹി ജോര്‍ബാഗിലെ വസതിയിലെത്തിയാണ് സിബിഐ സംഘം ചിദംബരത്തെ അറസ്റ്റ് ചെയ്തത്. മതില്‍ ചാടിക്കടന്നാണ് സിബിഐ സംഘം ചിദംബരത്തിന്റെ വീട്ടുവളപ്പിലെത്തിയത്.

ഐഎന്‍എക്‌സ് മീഡിയ കേസിലാണ് ചിദംബരത്തെ സിബിഐ അറസ്റ്റ് ചെയ്തത്. എന്‍ഫോഴ്‌സ്‌മെന്റ് ഡയറക്ടറേറ്റ് ഉദ്യോഗസ്ഥരും ചിദംബരത്തിന്റെ വസതിയിലെത്തിയിരുന്നു. മുന്‍കൂര്‍ ജാമ്യാപേക്ഷ വെള്ളിയാഴ്ച്ച പരിഗണിക്കാനിരിക്കെയാണ് അദ്ദേഹത്തെ അറസ്റ്റ് ചെയ്തത്.

അറസ്റ്റ് ചെയ്ത് അദ്ദേഹത്തെ കൊണ്ടുപോകുന്നതിനിടെ തടയാന്‍ ശ്രമിച്ച യൂത്ത് കോണ്‍ഗ്രസ് പ്രവര്‍ത്തകരെ വലിച്ചിഴച്ച് പൊലീസ് പിടിച്ച് മാറ്റി. കോണ്‍ഗ്രസ് പ്രവര്‍ത്തകരില്‍ ചിലര്‍ സിബിഐയുടെ കാറിന് മുന്നിലേയ്ക്ക് ചാടിയതും അല്‍പ സമയത്തെ സംഘര്‍ഷത്തിനിടയാക്കി. ചിലര്‍ കാറിന്് മുകളിലേയ്ക്കും കയറി. എന്നാല്‍ ഇവരെയെല്ലാം കാറിന് സമീപത്ത് നിന്നു മാറ്റി വാഹനവുമായി സിബിഐ പോവുകയായിരുന്നു.

Related posts

ജഗന്‍ മോഹന്‍ റെഡ്ഡിക്ക് കുത്തേറ്റു

Farsana Jaleel

പ്രധാനമന്ത്രിയുടെ സാമ്പത്തിക ഉപദേശക കൗണ്‍സിലില്‍ 3 പുതിയ അംഗങ്ങള്‍ കൂടി

Farsana Jaleel

പന്ത്രണ്ട് പൊതുമേഖല ബാങ്കുകള്‍ പ്രതിസന്ധിയില്‍

Amal Murali

Leave a Comment