Kerala

പ്രത്യേക ചിഹ്നങ്ങള്‍ ധരിച്ച് ക്യാമ്പുകളില്‍ കയറേണ്ടെന്ന് മുഖ്യമന്ത്രി

തിരുവനന്തപുരം: ദുരിതാശ്വാസ ക്യാമ്പുകളില്‍ പ്രത്യേക അടയാളങ്ങളുമായി ആരും പ്രവേശിക്കേണ്ടതില്ലെന്ന് മുഖ്യമന്ത്രി പിണറായി വിജയന്‍.
പ്രളയദുരിതബാധിതരെ സഹായിക്കാനായി പൊതുജനങ്ങള്‍ കാണിക്കുന്ന സന്നദ്ധത ഏറെ അഭിനന്ദനം അര്‍ഹിക്കുന്നുവെന്ന് മുഖ്യമന്ത്രി പിണറായി വിജയന്‍ പറഞ്ഞു. എന്നാല്‍ സഹായിക്കാന്‍ താല്‍പര്യമുള്ളവര്‍ പ്രത്യേക ചിഹ്നങ്ങള്‍ ധരിച്ച് ദുരിതാശ്വാസ ക്യാമ്പുകള്‍ക്കകത്തേയ്ക്ക് കയറേണ്ടതില്ലെന്ന് അദ്ദേഹം പറഞ്ഞു.

ക്യാമ്പുകളില്‍ ആളുകളെ കാണാന്‍ പോകുന്നവര്‍ ചിട്ട പാലിക്കണം. എല്ലാവരും ക്യാമ്പുകള്‍ക്ക് അകത്തേയ്ക്ക് കയറരുതെന്നും മുഖ്യമന്ത്രി പറഞ്ഞു. എന്നാല്‍ സഹായിക്കാന്‍ താല്‍പര്യമുള്ള ചിലര്‍ പ്രത്യേക അടയാളങ്ങളോടെ എത്തുന്നുണ്ട്. അങ്ങനെ ക്യാമ്പിനുള്ളില്‍ പ്രവേശിക്കാന്‍ അനുവദിക്കില്ലെന്ന് മുഖ്യമന്ത്രി തിരുവനന്തപുരത്ത് വാര്‍ത്താ സമ്മേളനത്തില്‍ വ്യക്തമാക്കി.

എല്ലാ ക്യാമ്പുകളിലേക്കും ആവശ്യത്തിനുള്ള സാധനങ്ങള്‍ നല്‍കാന്‍ ജനം തയ്യാറാവകണം. അനാവശ്യ സാധനങ്ങള്‍ എത്തിക്കുന്നത് ഒഴിവാക്കണം. സാധനങ്ങള്‍ ശേഖരിക്കുന്നവര്‍ ജില്ലാ കളക്ടര്‍മാരുമായി ബന്ധപ്പെടണം. ക്യാമ്പിനുള്ളില്‍ പോയി ആരെയും കാണരുത്, ചുമതലപ്പെടുത്തിയവര്‍ മാത്രമാകണം ക്യാമ്പില്‍ പ്രവേശിക്കേണ്ടതെന്നും മുഖ്യമന്ത്രി വ്യക്തമാക്കി. രക്ഷാപ്രവര്‍ത്തനത്തെ ബാധിക്കുന്ന തരത്തില്‍ ചിലര്‍ പ്രചാരണം നടത്തുന്നുണ്ടെന്നും ഇത് നാടിനോട് ചെയ്യുന്ന ഹീനമായ കുറ്റകൃത്യമാണെന്നും അദ്ദേഹം പറഞ്ഞു.

Related posts

താനൂര്‍ കൊലപാതകം: 3 പേരുടെ അറസ്റ്റ് രേഖപ്പെടുത്തി; പിടിയിലാകാന്‍ ഇനി 3 പ്രതികള്‍ കൂടി

Farsana Jaleel

മെഡിക്കല്‍ പ്രവേശനം: 4 സ്വാശ്രയ മെഡിക്കല്‍ കോളേജുകളിലെ പ്രവേശനം സുപ്രീം കോടതി റദ്ദാക്കി

Farsana Jaleel

സംസ്ഥാനത്തെ പ്രതിഷേധങ്ങള്‍ക്കു പിന്നില്‍ എന്‍.എസ്.എസ്; എന്‍.എസ് എസിന്റെ കരുത്തു മനസ്സിലാക്കി ആസൂത്രിത നീക്കവുമായി കോണ്‍ഗ്രസും, ബിജെപിയും; എന്‍.എസ് എസിനോട് ആലോചിച്ച ശേഷം തീരുമാനമെന്ന തന്ത്രി കുടുംബവും; എല്ലാത്തിനും നേതൃത്വം നല്‍കുന്നത് പെരുന്നയില്‍ നിന്നു തന്നെ

Amal Murali

Leave a Comment